𝐒𝐈𝐌𝐔𝐋𝐈𝐙𝐈: 𝐍𝐈𝐓𝐀𝐊𝐔𝐅𝐀 𝐍𝐀 𝐁𝐈𝐊𝐈𝐑𝐀 𝐘𝐀𝐍𝐆𝐔 𝐄𝐏.... 48.

𝐒𝐎𝐍𝐆𝐀 𝐍𝐀𝐘𝐎....
Nilikuwa nikijilaumu sana kwa kazi hii ngumu niliyoamua kuifanya.. Nilijikuta naanza kumkufuru hata Mwenyezi Mungu kwa madhila haya aliyopanga niyapitie..

Nilifika nyumbani na kuoga kisha kulala mchana ule..

Namna pekee niliyokuwa nikiitumia kuituliza akili yangu ilikuwa ni kulala tu..

Nilishtuka saa 11 jioni nikiwa kidogo mwepesi kimwili na kifikra..

Nilishika simu yangu na kumpigia yule mama " pole sana mama naomba uhudumie kituo kwasasa.. Nadhani umeshatoa zile fedha maana nimepata ujumbe kutoka benki...

Niliongea hayo maneno mara tu baada ya yule mama kupokea simu yangu..

"Ndio mwanangu nimetoa na kuhamishia kwenye account ya taasisi yetu.. Nakuomba sana endelea vizuri na jukumu lako la kumuangamiza Mr Renatus,

Alimaliza kuongea yule mama na kukata simu..

Nilivaa bila hata kuoga mda ule.. Niliingia bafuni na kunawa uso tu kisha kujiweka sawa na kupuliza pafyum ili nitoke..
Niliwasha gari na kwenda hadi magomeni mwembechai nyuma kidogo ya kanisa la sabato kulikuwa na eneo fulani kubwa la uwazi...

Pale huwa wanajolificha mateja wengi sana na kudungana sindano za madawa na kuvuta...

Nilipaki gari mbele kabisa ya kanisa na kuanza kuzunguka kwa miguu kwenda nyuma kwenye eneo hilo la wazi...

Nilivuruga nywele zangu na kupita katikati ya machaka nikiamini lazima tu mateja wangekuja kunikaba kwa usiku ule...
Nilitembea kwenye uchochoro fulani nikiwa nimeshika simu yangu mkononi kama nachati vile..

Kweli baada ya dakika kadhaa tu niliona majaa kama watatu wamekuja nilipo.. Walikuwa vifua wazi ila wamekonda sana..

Mmoja kashika kisu na wengine wapo na vipande vidogo vya nondo..

" Dadaaaa.. Weka simu yako chini kiroho safi tu na uondoke.. Hatutaki kukuumiza wala hatutaki  utuchafue vumbi hapa maana tumeshaoga....

Aliongea teja mwenye kisu.. Nadhani ndio alikuwa mkubwa wa wale wengine...

Niliwatazama kwenye lile giza huku nasikitika sana kuona upuuzi wanao ufanya vijana wenzangu.. Kwasababu wangekuwa na majukumu yakufanya muda huu wasingekuwa pale...

Nilifikiria sana kuhusu familia zao pia ni adha kiasi gani zinawapata... Nilihisi hadi machozi yanataka kunitoka..

"Oya.. Hembu fanyeni muondoke hapa mnanielewa.. Siibiwi hovyo ndugu zangu.. Mnadhani mimi mpumbavu wakuacha kupita kwenye mwanga na kuja huku kichochoroni..

Najiamini sana na nina shida na nyinyi... Niliongea na kumsogelea mwenye kisu na kumpiga mtama..

"Polisi huyoo jamani polisiiiii

Aliongea teja mmoja kati ya wale watatu na kuwafanya wengine waliokuwa porini wakimbie sana..

Walitawanyika kama nzige waliokuwa wamefungiwa kwenye chumba kimoja na kufunguliwa ghaflaa..

Mimi sikuwa na habari na wale wengine... Nilimuwahi yule aliekuwa amelala chini akihangaika namna ya kuinuka..

Nilimuwahi na kumpiga ngumi zito kwenye taya iliyomfanya aone kama mawenge..

Alikuwa akihangaika tu chini hadi akainuka..

Aliangalia kila upande lakini hakuona wenzake.. "Nisamehe mheshimiwa Afande..
Aliongea yule kaka na kukaa chini mwenyewe..

Haya inuka na tufuatane hadi kwangu. Na hiyo kisu yako nataka uitupe huko porini maana huwezi nidhuru nayo hata kidogo..

Nilimwambia yule kaka na yeye alifanya hivyo na kuongozana nae hadi kwenye gari..

Tulipanda na kwenda hadi nyumbani... Nilipaki gari na kuingia nae hadi ndani..

" Afandee.. Umekuja kuniua kwani.?? Aliongea teja..

Ndio kukuua endapo hutonijibu maswali yangu vizuri..

Nilimwambia na kuchukua maji ya kunywa kwenye Friji na kumpa anywe..
Nilitaka kidogo kumshusha ile hofu aliyo nayo..

"Kaka ukiwa muwazi na mkweli kwangu sintokufanya chochote.. Nataka unisaidie kuwapata hawa wauzaji wa madawa.. Usipokuwa mkweli nitakuua tena bila huruma..
Pia mimi siyo afande ila nataka nifanye nao tu biashara...

" Dadaangu mimi sijui huwa tunaletewa na rafiki zetu pale kichakani..
Aliongea yule kaka kwa hofu...

"Hembu kunywa kwanza hayo maji uyamalize... Nilimwambia yule kaka na yeye aliyamaliza kweli ilikuwa kama lita moja hivi kwenye jagi..

" Sasa naomba uniambie ukweli kaka.. Au hadi ujeruhiwe sijui ufanywe kuwa tasa kwa kuminywa korodani hizo ndio utasema.?? Hembu acha ushamba.. Ukiumia alafu baadae ukija kumtaja huoni ni ujinga mkubwa sana..

Ukiamua kuficha inabidi ufiche hadi unakufa sawa.. Nilimwambia yule kaka kwa uso waukali sana na kutoa bastola kiunoni na kuiweka mezani..

Alishtuka sana na jasho jingi lilikuwa likimtoka.

"Unataka nikuumize ndio useme ukweli sindio etiii.??

'Hapana afande nakwambia.. Kuna Casino moja sinza na ingine Temeke.. Kule huwa ndio tunanunua kila siku..

" Unauhakika unaweza kunipeleka mda huu.!??.. Kwani huwa wanafunga saangapi.??
Niliuliza

"Afande kusema ukweli saizi kwa pale ndio kama kumekucha huwa wanafunga mda adhana ya alfajiri inalia..

Mmmmhhh... Niliangalia saa yangu ilikuwa ni saa mbili na nusu...

Nilimshika mkono yule kaka na kumpeleka chumbani kwangu..

Haya ingia hapo bafuni uoge upesi tuende sawa..

" Sawa afande lakini sina nguo za kubadili au tuende kwanza nyumbani nikachukue kwasababu nikiingia na hizi chafu kule hawataniuzia dawa.. Huwa wanataka watu wastaarabu sana ndio wakanunue..

Lile kasino ni kwaajili ya vinywaji na wanawake lakini biashara hufanya kwa siri sana kwasababu ya serikali...

Aliongea yule kaka..

"Unavaa suruali kiuno namba ngapi.??

"28 afande...

Alijibu yulekaka huku anavua suruali yake ili aingie bafuni..

" kaka kwani hupendi kuacha kutumia haya madawa.?? Nilianza kumuone huruma sana kwasababu alionekana bado hajakolea sana kwenye madawa yale..

"'Natamani sana dadaangu.. Kwetu pia wanatamani sana ila nashindwa nini chakufanya kwasababu ya marafiki nilio nao..

Aliongea yule kaka kwa upole sana.. Naomba ukaoge basi..

Nilipiga simu kwa mdada fulani niliekuwaga nikinunua nguo zangu kwake.. Alikuwa akiuza nguo za kiume na kike..

Kwasababu nilimwagiza suruali kama tano hivi na nilimwambia nampa nauli alikubali kurudi dukani kwake usiku ule japokuwa alishafunga..

Baada ya kama nusu saa alikuja yule dada na zile nguo..

Suruali na Tshet tatu za saizi ya kati..

Nilimlipa na kurudi zangu ndani.. " unaitwa nani kaka..

'Naitwa Amani..  Alinijibu yule kaka.

"Jina zuri masikiaMungu alafu unatumia madawa kweli kaka...
Niliongea lakini yeye alikuwa bize tu akijishangaa kwenye kioo alivyopendeza..

Nilichukua pafyum yangu na kumpulizia kwenye ile Tshet.

Hakuamini alibaki akicheka cheka tu...

" Dada ninamiezi mingi sana sijavaa hivii.. Naomba nisaidie niache haya madawa dada nitashukuru na wazazi wangu watakushukuru sana..
Aliongea kwa furaha yule kaka...

Niliinuka na kutoka pale chumbani na kuelekea sebuleni kunywa maji..

Nilirudi kwa furaha sana pia japo nilikuwa nikificha hisia zangu ili asinizoee..
Nilishtuka sana kumkuta yule kaka amekaa vizuri kitandani na macho yake hayakuwa na hali legevu kama teja tena.. Alikuwa akirembua tu na kuinuka alipokaa na kunisogelea akiwa anatembea bila shida kabisa tofauti na mwanzo..

"Hajra .. I see you now have begun to return to your work responsibilities .. you were completely lost sister .. I am here to help you.  I have been instructed by the chief .. I know you do not know me but there is a time you will know me ...
Hajra.. nakuona sasa  umeanza kurudi kwenye majukumu yako ya kazi.. ulipotea kabisa dada.. nipo kwaajili ya kukusaidi. nimeagizwa na mkuu.. najua hunifahamu lakini kuna mda utanijua...

Aliongea yulekaka kwa kiingereza na kabla sijafanya chochote nilisikia simu yangu ikiita.. Niliitazama nakuona ni yule mkuu wangu..

ITAENDELEA.....

Previous article

Next Post

Next article

Previous Post