𝐒𝐈𝐌𝐔𝐋𝐈𝐙𝐈: 𝐍𝐈𝐓𝐀𝐊𝐔𝐅𝐀 𝐍𝐀 𝐁𝐈𝐊𝐈𝐑𝐀 𝐘𝐀𝐍𝐆𝐔 𝐄𝐏.... 39

𝐒𝐎𝐍𝐆𝐀 𝐍𝐀𝐘𝐎....
Nilizama kwenye kina kirefu sana na kuanza kuogelea umbali mrefu nikiwa sijui naelekea wapi na sikuwaza hata kidogo hatari ya kukutana na samaki wakubwa...

Niliogelea umbali wa mita kadhaa na kuinua uso wangu juu ili nipate pumzi...

Niliangalia kila pande lakini sikuona mtu..

Pantoni ilikuwa imesimama na watu wanashuka..

Niliogelea hadi kufika ng'ambo ya pili. Nilipanda ukuta wa uzio wa bahari na kuruka upande wa Posta...

Nilitembea upesi japo nilikuwa natetemeka baridi na kwenda kujibana nyuma ya duka fulani ambalo muda huo lilikuwa limefungwa..

Nilikaa kwa muda hadi nikaona kumetulia..

Niliegemea ukuta na kusinzia hadi alfajiri..

Niliinuka nikiwa tayari nguo zimekauka kwa joto la mwili..

Nilianza kutembea kuelekea sehemu zenye watu wengi kwasababu kwa posta pale ningeonekana kwa urahisi..

Nilipanda basi la mwendo kasi ila nilikuwa nanuka sana harufu ya bahari(samaki)

Kwenye basi watu walisogea mbali kidogo na kuniachia nafasi wakiamini mimi ni kichaa..

Basi lilitembea umbali mrefu hadi Manzese.. Nilishukia manzese Bakhresa baada yakuona soko kubwa kama mnada na watu walikuwa wengi asubuhi ile...

Nilitembea na kuzunguka nyuma ya lile soko la nguo na vitu vingine kwenda hadi kwenye soko la matunda...

Niliingia ndani zaidi na kumkuta mbaba mmoja anauza matunda...

Nilijisachi na kukuta ninazo sarafu mbili za mia tano..

Niliitoa na kununua ndizi tano kwasababu ndizi moja ilikuwa inauzwa 200

Nilishusha begi mgongoni na kumpatia hela kisha kuanza kula ndiizi zangu.. Nilikula kwa pupa hadi wateja waliokuwa karibu walianza kunishangaa..

Kuna mdada fulani alikuwa amevalia gauni jekundu refu na kitambaa kama cha rangi ya maziwa kichwani ndio alibaki ameshika tama na kuacha shughuli zake akinitazama tu..

Nilisonya na kuendelea kula ndizi zangu taratibu hadi zikaisha..

Niliaga na kuweka begi langu mgongoni ili nianze safarii..

Nilishtuka sana kuona yull dada mwenye gauni jekundu kanishika bega na kuniambia..

"Dada mbona upo hivyo..?? Unatatizo.
Aliuliza yule dada...

Nilinyamaza na kumwangalia kwa umakini na kugundua huenda kweli kanihurumia..

"Naitwa Hajraaa.. Nimetoka kijini mbulu nimekuja huku kutafuta maisha.. Kila ninapoenda kutafuta kazi nilikuwa sipati..
Kwasasa nipo nazurura tu mjini.. Nikipata kazi nitafanya..

Niliongea kwa huruma sana.. Yule dada aliniangalia na kucheka tu kisha kunipokea begi na kuniambia tuelekee kwao..

Tulitoka njee lakini kabla hatujafika kwenye kituo cha bodaboda alikuja kaka mmoja akiwa anakimbia..

"Omera... Mbona skuile ulinipa namba za uongo zilikuwa hazipatikani kabisa...
Aliongea yule kaka na hapo ndio nikajua yule dada nilie nae alikuwa anaitwa Omera..

"Labda nilikosea... Hembu nitajie namba nilizokupa.. Omera aliongea na yule kaka alianza kutaja namba..

0658-554..

"unaona sasa.. Nilishajua umekosea tu...
Nilikwambia ni 06594

'aaahhhh basi samahani nimeshajua nilikosea wapi.. Niliweka 9 katikati badala ya sita..
Hizi namba zinachanga kwenye kuzitamka.. Mtu kama hujasikiliza vizuri unaweza kosea kama mimi...

Haya twendeni kwenye gari niwasindikize basi hadi ile sehemu ya sikuile..

Tuliongozana na kupanda gari hadi tukafika kwenye kona fulani kisha tukashuka mimi na Omera..

Tulianza kutembea kwenye chochoro hadi baaadae tukakuta njia.

Tukiwa tunatembea nilihisi kama yule kaka yupo nyuma yetu anatufuatilia..

Niligeuka na kumuona kweli ni yule kaka anatembea kwa kujibanabana tusimuone..

Tuliendelea kutembea kwa kujiamini huku tunapiga story mbili tatu

***

"Mpemba omera niliyekuuliza juzi yule pale yupo na mwenzie wanashuka kule chini.. Wewe siulisema Omera alishakufa wakati yule pale na yupo hai..
JUMA aliongea kwa hisia sana akimwambia Mpemba..

Mbona yupo mdada mmoja tu pale weye.. Namuona binti na suruali na tisheti tu pale kabeba begi mgongoni weye wacha uwongo wako hapa...
Aliongea mpemba..

"weeeeehhh mpemba huoni wanakata kona kule mdada kavaa suruali na mwenzie kavaa gauni nyekundu..??

Umeanza haribiwa na bangi ndugu yangu... Mpemba alimwambia juma..

"We mpemba acha ufala nani anavuta bangi hapa.. Usinizoe mbwa wewe nitakuua mimi..
JUMA aliongea kwa ukali sana baada yakuambiwa anavuta bangi..

Lakini kiukweli mpemba alikuwa akiona msichana mmoja tu na Juma alikuwa akiwaona wawili..

Kwa hasira Juma aliondoka na kupanda gari lake kisha kurudi nyumbani kwake..

***
***

Tulifika hadi nyumbani kwaakina yule binti na kupokelewa na bibi mmoja nadhani alikuwa ni bibi yake OMERA kwasababu walikuwa wamefanana sana..

Tuliingia ndani lakini yule bibi alikuwa akinitazama sana..

"Mjukuu wangu na huyu katoka kule alipo baba yako.??.

Hapana bibi yangu... Huyu nimekutana nae tu sokoni alikuwa na shida nikaona nimsaidie kwasababu hapa nyumbani tupo wachache..

"ni kweli mjukuu wangu umefanya jambo la busara sana...

Aliongea yule bibi na kutuacha pale akaenda ndani kwake.

Nilishangaa sana yule bibi alikuwa akiongea na mjukuu wake utadhani bibi ndio mdogo kwa yule mjukuu.. Bibi alikuwa akiongea kwa hofu sana na wasiwasi mwingi..

Tulipika na kula mimi na yule dada Mcha ule.. tuliingia chumbani na kupumzika..

Harufu ya manukato ilikuwa ikija ndani na kupotea.

Kuna mda manukato yalikuwa makali sana hadi nilikuwa nikiamka na kuangakia kila kona ila sikuona pafyum wapa udi uliochomwa mule ndani..

Nilianza kuogopa sana na mapigo ya moyo yalianza kwenda mbio...

Baada ya muda nilisikia geti linafungulia na kuna gari jeusi la kifahari sana linaingia ndani..

Alishuka mama mmoja wa makamo nadhani alikuwa ni mama omera.. Aliingia ndani na kunisalimi.. Omera alinitambulisha kisha yule mama akaingia ndani..

Nilikuwa nikiwaza tu lile junba ni jumba la aina gani jamani..

Maajabu ya mule ndani hasa marashi niliyokuwa nikiyasikia yalikuwa yakinikerehesha sana .

Tulikula chakula cha usiku na kuingia kulala..

Hofu ilianza kunisonga pia ... Sikuwa na amani hata kidogo na yule bintii.

Tulilala kila mtu na shuka lake ila sikuwa na usingizi kabisa...

Nilikaa na kusoma dua ili ni lale na yule dada pia alikaa na kusoma dua ili alale lakini alichukua mda mrefu sana kuomba dua..

Mimi nilishamaliza na kujilaza na nilianza kusinzia lakini yule dada alikuwa bado ananong'ona kusali...

"Mmhhhhh huenda ni mlokole huyu dada.. Maana siyo kwa kuomba huko..
Lakini mbona sisikii kwa jina la Yesu...

Yaani lafudhi aliyoomba nayo ilikuwa kama kiarabu lakini siyo.. Nilikuwa nikiogopa sana..

Nilitulia na kusubiri hadi lisaa lizima likapita lakini ilikuwa bado kabisa ..

Nilinyamaza na kujiambia kimya kimya kuwa nasubiri hadi nione kitakacho tokea hapa..

Nilijifanya ninejifunika ila sikulala kabisa...

Harufu kali ya manukato iliendelea kutapakaa tena mule ndani na yule dada alimaliza ibada yake na kudondoka tu kitandani...

Alilala fofofo.. Nilimtazama lakini alikuwa kimya na taratibu ile marashi ilianza kuisha..

Nilitulia hadi ile harufu ikaisha kabisa na usingizi ulinipitia na kulala usingizi mzito sana..

Nilishtuka asubuhi sana nikiwa natetemeka na kujiuliza ilikuwaje nimelala kiasi kile..

Sikujua hata usingizi ulinitokea wapi...

Nilitulia hadi pakapambazuka... Nilioga na kuvaa kisha kumuaga yule dada kuwa naende kutafuta kazi kumbe nilikuwa naenda kumtafuta RC.....

ITAENDELEA.....

Previous article

Next Post

Next article

Previous Post