WANANCHI WAFURAHIA UPATIKANAJI WA MAJI MIHAMBWE

WANANCHI WAFURAHIA UPATIKANAJI WA MAJI MIHAMBWE

Na Mwandishi wetu, Mihambwe.

WANANCHI, wamefurahia upatikanaji wa maji safi na salama ambapo wameaswa kuilinda na kuitunza miradi ya maji iliyopo na itakayoanzishwa kwa manufaa ya sasa na ya baadae kwa kuwa Maji ni uhai, Maji ni maisha.

 

Hayo yamebainishwa na Afisa Tarafa Mihambwe Emmanuel Shilatu kwenye

ziara yake ya kukagua miradi ya maji kwenye Tarafa yake ambayo

imesaidia kupunguza tatizo la maji.

"Serikali ya Rais Magufuli inajitahidi kuleta huduma za Maji mpaka

maeneo ya vijijini.. inaleta furaha kwa jamii. Leo nimetembelea miradi

ya maji kwa kata mbili tu, nimejionea ilivyo mkombozi wa kero ya maji

iliyokuwepo awali. Wananchi wanaendelea kunywa Maji safi na salama

yanayopatikana muda wote. Niwaase miradi hii ya maji itunzwe vyema kwa

manufaa ya sasa na ya baadae" alisema Gavana Shilatu.

Baadhi ya wakazi wa eneo hilo wamesema kuwa tatizo la maji lilikuwa kero kubwa kwa Wanawake ambao walikuwa wakitembea umbali mrefu kusaka maji usiku na mchana.

"Tunaishukuru Serikali kutupatia mradi huu wa maji, hatupati tena

shida kama awali. Tunaomba miradi hii idumu na tuzidi kuboreshewa

huduma zaidi." Amesema Bi Zuhura Mohammed Kwambika mkazi wa kijiji cha

Mwenge B kilichopo kata ya Kitama.

Katika ziara hiyo ya Gavana Shilatu aliambatana na Maafisa maendeleo

kata, Watendaji vijiji pamoja na uongozi wa kamati husika za maji

ambapo alitembelea miradi ya maji iliyopo kata ya Kitama na kata ya

Mihambwe ambayo inahudumia zaidi ya vijiji 13

Pata Ajira ya ndoto yako leo BONYEZA HAPA ili kuperuzi Nafasi za kazi Zinazotangazwa kila siku DOWNLOAD/INSTALL Ajiraforum App zisikupite

Previous article

TAMISEMI YAJIVUNIA MSAADA WA CAMFED KWA WANAFUNZI NCHINI

Next article

MPANDA: UWEKEZAJI KATIKA SEKTA YA MAJI WAONYESHA MATOKEO