𝐒𝐈𝐌𝐔𝐋𝐈𝐙𝐈: 𝐍𝐈𝐓𝐀𝐊𝐔𝐅𝐀 𝐍𝐀 𝐁𝐈𝐊𝐈𝐑𝐀 𝐘𝐀𝐍𝐆𝐔 𝐄𝐏.... 35

𝐒𝐎𝐍𝐆𝐀 𝐍𝐀𝐘𝐎....

Alimshika mtoto na kuniwekea mkono wake mmoja begani kwangu na kuniambia tuelekee chumbani kwake..

Nilimiss sana chumba changu.. niliingia na kumlaza vizuri mwanangu kisha kuoga mimi na Rc na kulala..

asubuhi niliamka kumpikia chai na yeye alijiandaa na kwenda kazini..

Alivyotoka tu nilianza kupekua mabahasha yake kwenye droo ili nijue yalipo makao yao mengine yakuuzia madawa..

Nilifanikiwa na kuandika pembeni kisha kurudisha vitu vyake kwenye drooo..

Nilimlisha mwanangu na kutoka kwenda kufanya maangamizi kwenye kambi yao ndogo iliyopo buza..

Niliua wauzaji wote na kuichoma moto kambi

Nilirudi nyumbani na kumkuta mume wangu kamshika mtoto..

Niliogopa sana hata kuingia ndani...

Nilijawa na hofu na uwoga mwingi hadi nikajuta kwanini nilitoka..

Baada ya Muda niliona Askari kama wanne wanatoka kwenye vyumba kila mmoja akiwa ameshika bastola..

Nilinyanyua mikono yangu juu kukubali kuwa nimeshindwa....

Walinikamata na kunifunga pingu kisha mmoja kuanza kunisachi na kunikuta ninayo bastola..

aliitoa na kuiweka mezani..

Alizidi kunisachi na kunikuta na karatasi yenye ramani yote ya majumba yao ya madawa..

Mume wangu aliishika ile karatasi na kuiangalia kwa mda kidogo kisha kuja kunibusu shavuni...

Hajra.. hongera kwa kazi kubwa sana.. wewe ni mke wangu na nimama wa mwanangu. najua wewe siyo naomi bali ni hajra..

Kama wewe ni usalama wa taifa basi mimi ni usalama wa dunia mbwa wewe..

Aliongea mume wangu

Unacheza na akili yangu.. tangu umetoroka na kwenda kuishi MBULU nilikuwa najua.

Najua kuwa mganga wako alikufa pia ndio maana ukatoroka na kuja huku tena.

Hajra usicheze na akili yangu sawa..

Nilimuua baba na mama yako naona sasa unataka nikamilishe haya mauaji kwako pia..

Hongera kunizalia mtoto wa kiume mzuri kama huyu ila nasikitika sana ataishi bila mama..

Tangu unakuja hapa Hajra nilikuwa nakujua..

Tangu umeenda Urusi kwenye mafunzo nilikuwa najua

Yaani kiufupi kila ulichokuwa unafanya nilikuwa natambua mamy...

Aliongea RC na wakati huo nilimuona Mwanamke mmoja alievaa vazi za kijeshi akitoka chumbani kwangu..

Nilijua kabisa kuwa mpango wote huu huenda ni IRENE ndio alikuwa akinipeleleza..

Nilimtazama yule mwanamke na kugeuka tena kwa RC kuendekea kumsikiliza..

Hajra unavuka mipaka... nilikuvumilia kwasababu ulikuwa na ujauzito wangu ila kwasasa sihitaji chochote kutoka kwako..

au unadhani nitakuhurumia kisa huyu mtoto.??

'Aliongea kwa hasira sana RC na kuishika bastola yangu pale mezani na kumpiga mtoto kichwani..

Moyo wangu uliingia kama ganzi na mwili uliishiwa nguvu na kujikuta chinii

sikuwa na uwezo wa hata kuongea..

Kwa jinsi kichwa cha mtoto kilivyo sambaratishwa dam zilinirukia hadi usoni kwangu..

Nilijikuta uso umelowa tepetepe kwa machozi..

Nilimtazama RC kwa machungu sana ila sikuwa na namna kutokana na pingu niliyopigwa mkononi.

"Ninao watoto nane kama hawa na kila mmoja ana mama yake.. usidhani nakuona malakia sana kwasababu ya kunizalia huyo mjinga.. haya mtoto mwenyewe  amekufa utaringia nini sasa.??

Hajra umeisha mbwa wewe.. yaani umemuua secretary wangu na kujidai unaziba uso wako kwa yale magunia yenu ya kiislam ukadhani sintokutambua.??

Nilikutambua vyema sana ila nilikuacha urudi nyumbani kumnyonyesha na kumlisha mtoto..

***



Aliongea kwa hasira sana RC.. baada ya Muda wale askari walikuja kunishika na kunipakia kwenye gari kisha kunipeleka kituoni...

Nilifungwa sero la mateso sana..

Na asubuhi yake nilipelekwa mahakamani na kusomewa mashtaka ya kuua..

Sikuweza kubisha kabisa kwasababu kila tukio walilirekodi...

Hakimu alinihukumu kifungo cha maisha jela..

Sikuwa na jinsi kwasababu hata nikibaki mtaani ningefanya nini sasa..

sina mtoto tena na sina mume..

Nimekosa vyote kwa pamoja..

Baada ya hukumu waandishi wa habari walinizinga kunihoji lakini sikuwa na lakuongea..

Niliumia sana kwa kweli.. machozi yalikuwa ni mithili ya maji..

Nilitolewa pale nikiwa kwenye uangalizi mkali sana na kupelekwa gereza la segera..

Nilifika na kutazama yale mazingira kwa umakini sana..

Baada ya kufika tu niliandikwa majina yangu na kukaguliwa afya na sehemu za mwili kisha kuvuliwa nguo za mwanzo na kupewa za magereza....

Usiku wa siku hiyo sikuwa nimelala hata kidogo..

Nilikuwa nikiwaza kama kuna uwezekano wa kutoroka lakini ulinzi ulikuwa wa uhakika kuzunguka gereza..

Nilitulia kwenye bweni na kulala na wasichana wenzangu kama sita na kila mmoja nikimuuliza alikuwa akisema ni kesi za kusingiziwa tu....

Nilizidi kufuatilia na baadae nilijua wote walikuwa ni wafanyakazi wa RC renatus..

Niliwaza sana usiku ule hadi kufika saa nane usiku wenzangu wakiwa wamelala fofofo..

Nilianza kusinzia lakini nilisikia sauti nzitoto ikiniambia..

"Hajra.. Never Give up.... (hajra usikate tamaa kamwe...

Nilishtuka sana na kugeuka nyuma..

Nilitazama kila kona lakini sikuona mtu.

Niliinuka na kuangali ule ukuta na mlango wa magereza..

Nilichungulia njee na kumuona askari ambaye yupo zamu..

Alikuwa ni dada mdogo tu nadhani bado mgeni na alikuwa ametoka mafunzo..

"Niligonga geti kwa jiwe dogo lilipo chini ili asikie..


"Afande naomba kwenda chooni..

Niliongea kwa upole sana.. nadhani yule dada hata yeye alinihurumia sana...

Alikuja kunifungulia na kunipeleka uwani..


"Hajraa.. nilifuatilia kesi yako na kugundua huna hatia.. je upo tayari nikusaidie.??

Aliongea yule dada..

Ndio afande nitashukuru sana..


Shika hii karatasi ndogo inayo ramani ya jela nzima na sehemu kuna doti nyeusi hapo ujue kuna askarii..

Jitahidi kupita sehemu ambazo hamna doti.

Ingia chooni na uisome hiyo ramani..

Ukimaliza unijuze..

Aliongea yule dada.. nilimtazama kwa macho ya shukrani sana..

Niliingia chooni na kujisaidia huku naikariri ile ramani ili nijue zile njia zote..

Nilimaliza kuisoma na kutoka njee..

"Sasa kifuatacho nipige sehemu ya nyuma ya shingo yangu ili nipoteze fahamu kisha nivue nguo zangu na kuzivaa..

"Pita kwenye njia hizo ulizo soma hadi getini.. ukifika waonyeshe kitambulisho changu watakuruhusu utoke bila shida sawa..

Sawa afande..

"Usifanye mauaji yeyote ukiwa unatoka hapa kwasababu askaari watajua na kufunga mipaka ya jela... Pia jitahidi usirudi jela hajraa... nimekutoa lakini kuna mawili kwangu.. naweza kufukuzwa kazi kwa uzembe au nikauliwa..

endapo tutaona utanitambua kwa kovu nililo nalo kwenye ziwa langu la kulia..

Ingiza mkono ulishike ulitambue kabisa..

Niliingiza mkono na kulipapasa lile kovu huku nimefumba macho kwa hisia sana ili niikariri...

Kwa haraka nilifanya kama nimemteka na kumfinya kidogo kwenye mshipa wa fahamu na kumpotezea mawasiliano ya mwili wake mzima.. alilegea na kudondoka kama gunia..

Nilimvua zile nguo na kuzivaa upesi kisha kuisoma tena ile ramani na kuanza kutoka mule jela huku taswira ya sura ya mwanangu ikiwa inanijia machoni mwangu..

ITAENDELEA..

Previous article

Next Post

Next article

Previous Post